Zahid ne mera hosal-e-EemaaN nahi dekha

[Shanza]

Zahid ne mera hosal-e-EemaaN nahi dekha
Rukh par teri zulfo ko pareshaaN nahi dekha


Har haal mein bas peshnazar hai wohi surat
Maine kabhi rooh-a-sab-a-hijaraaN nahi dekha


Aaye the sabhi tarah k jalwe mere aage
Maine magar ae Diidaa-e-hairaaN nahi dekha


Kya-2 hua hungaam-a-junoo ye nahi maloom
Kuch hosh jo aaya to GirebaaN nahi dekha


Zahid ne mera hosal-e-Eemaa nahi dekha
Rukh par teri zulfo ko pareshaa nahi dekha




Singer- Abida Parveen jee

[Shanza]

Khud dil me.n rah ke aa.Nkh se pardaa kare ko_ii
haa.N lutf jab hai paake bhii Dhuu.NDhaa kare ko_ii

tum ne to hukm-e-tark-e-tamannaa sunaa diyaa
kis dil se aah tark-e-tamannaa kare ko_ii

duniyaa laraz ga_ii dil-e-hiramaa.N_nasiib kii
is tarah saaz-e-aish na chhe.Daa kare ko_ii
[hiramaa.N_nasiib=nasiib ke maare hue]

mujh ko ye aarazuu vo uThaaye.n naqaab Khud
un ko ye intazaar taqaazaa kare ko_ii

rangiinii-e-naqaab me.n Gum ho ga_ii nazar
kyaa be-hijaabiyo.n kaa taqaazaa kare ko_ii

yaa to kisii ko jurrat-e-diidaar hii na ho
yaa phir merii nigaah se dekhaa kare ko_ii

hotii hai is me.n husn kii tauhiin ai 'Majaz'
itanaa na ahal-e-ishq ko rusavaa kare ko_ii [/b]