Farz karo

[Shanza]

Farz karo hum ehl-e-wafa hon,Farz karo deewane hon
Farz karo yeh dono baatain jhooti hon,Afsaane hon

Farz karo yeh jee ki bipta,jee se jorh sunaai ho
Farz karo abhi or ho itni,Aadhi hum ne sunaai ho

Farz karo tumhen khoosh karne ke dhoondhay hum ne bahaanay hon
Farz karo yeh nain tumhare such much ke mekhaanay hon

Farz karo yeh rog ho jhoota,jhooti preet hamari ho
Farz karo is preet ke rog mein saans bhi hum per bhaari ho

Farz karo yeh jog ba-jog ka hum ne dhong rachaya ho
Farz karo bus yehi haqeeqat baqi sub kuch maya ho