Page 1 of 2 12 LastLast
Results 1 to 10 of 19

Thread: 37 ghazals of sahir ludhianvi

  1. #1
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default 37 ghazals of sahir ludhianvi

    Aao ki ko_ii Khvaab bune.n kal ke vaaste
    Aao ki ko_ii khvaab bune.n kal ke vaaste
    varanaa ye raat aaj ke sangiin daur kii
    das legii jaan-o-dil ko kuchh aise ki jaan-o-dil
    taa-umr phir na ko_ii hasii.n khvaab bun sake.n

    [bunanaa = to weave; sangiin daur = hard/difficult times]
    [das lenaa = to bite; taa-umr = entire life]

    go ham se bhaagatii rahii ye tez-gaam umr
    khvaabo.n ke aasare pe katii hai tamaam umr

    [tez-gaam = fleet-footed]

    zulfo.n ke khvaab, ho.ntho.n ke khvaab, aur badan ke khvaab
    meraaj-e-fan ke khvaab, kamaal-e-sukhan ke khvaab

    [meraaj-e-fan = (to reach) summit of art; kamaal-e-sukhan = perfection in poetry]

    tahaziib-e-zindagii ke, farog-e-vatan ke khvaab
    zindaa.n ke khvaab, kuuchaa-e-daar-o-rasan ke khvaab

    [tahaziib-e-zindagii = civilized life; farog-e-vatan = nation's progress/upliftment]
    [zindaa.n = prison; kuuchaa-e-daar-o-rasan = road leading to the gallows]

    ye khvaab hii to apanii javaanii ke paas the
    ye khvaab hii to apane amal ke asaas the
    ye khvaab mar gaye hai.n to be-rang hai hayaat
    yuu.n hai ki jaise dast-e-tah-e-sang hai hayaat

    [amal = work; asaas = foundation; hayaat = life]
    [dast-e-tah-e-sang = hands crushed under a stone (helpless)]

    aao ki ko_ii khvaab bune.n kal ke vaaste
    varanaa ye raat aaj ke sangiin daur kii
    das legii jaan-o-dil ko kuchh aise ki jaan-o-dil
    taa-umr phir na ko_ii hasii.n khvaab bun sake.n

  2. #2
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default Re: 37 ghazals of sahir ludhianvi

    Ab aaye.n yaa na aaye.n idhar puuchhate chalo
    Ab aaye.n yaa na aaye.n idhar puuchhate chalo
    kyaa chaahatii hai un kii nazar puuchhate chalo

    ham se agar hai tark-e-ta'alluq to kyaa huaa
    yaaro ko_ii to un kii khbabar puuchhate chalo

    jo khud ko kah rahe hai.n ki ma.nzil shanaas hai.n
    un ko bhii kyaa khabar hai magar puuchhate chalo

    kis ma.nzil-e-muraad kii jaanib ravaa.n hai.n ham
    ai rah-ravaan-e-khaak-ba-sar puuchhate chalo

  3. #3
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default Re: 37 ghazals of sahir ludhianvi

    Ahal-e-dil aur bhii hai.n ahal-e-vafaa aur bhii hai.n
    Ahal-e-dil aur bhii hai.n ahal-e-vafaa aur bhii hai.n
    ek ham hii nahii.n duniyaa se khafaa aur bhii hai.n

    [ahal-e-dil = dil vaale; khafaa = angry (with)]

    kyaa huaa gar mere yaaro.n kii zabaane.n chup hai.n
    mere shaahid mere yaaro.n ke sivaa aur bhii hai.n

    [shaahid = one who bears witness]

    ham pe hii khatm nahii.n maslak-e-shoriidaa_sarii
    chaak-e-dil aur bhii hai chaak-e-qabaa aur bhii hai.n

    [maslak-e-shoriidaa_sarii = rebellious ways; qabaa = long gown]

    sar salaamat hai to kyaa sang-e-malaamat kii kamii
    jaan baaqii hai to paikaan-e-qazaa aur bhii hai.n

    [sang-e-malaamat = stones of accusations/reproach]
    [paikaan = arrow; qazaa = death]

    munsif-e-shahar kii vahadat pe na harf aa jaaye
    log kahate hai.n ke arabaab-e-jafaa aur bhii hai.n

  4. #4
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default Re: 37 ghazals of sahir ludhianvi

    Aqaayad vaham hai mazahab Khayaal-e-Khaam hai saaqii
    Aqaayad vaham hai mazahab khayaal-e-khaam hai saaqii
    azal se zahan-e-i.nsaa.n bast-e-auhaam hai saaqii

    haqiiqat-aashanaa_ii asl me.n gum-kardah-raahii hai
    uruus-e-aagahii paravardah-e-abahaam hai saaqii

    mubaarak ho za_iifii ko khirad kii falsafaadaanii
    javaanii beniyaaz-e-ibrat-e-a.njaam hai saaqii

    abhii tak raaste ke pech-o-kham se dil dha.dakataa hai
    meraa zauq-e-talab shaayad abhii tak khaam hai saaqii

    vahaa.n bhejaa gayaa huu.n chaak karane pard-e-shab ko
    jahaa.n har subah ke daaman pe aks-e-shaam hai saaqii

  5. #5
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default Re: 37 ghazals of sahir ludhianvi

    Bha.Dakaa rahe hai.n aag lab-e-naGmaagaar se ham
    Bha.dakaa rahe hai.n aag lab-e-nagmaagaar se ham
    khaamosh kyaa rahe.nge zamaane ke dar se ham


    kuchh aur ba.d gae a.ndhere to kyaa huaa
    maayuus to nahii.n hai.n tulu-e-sahar se ham


    le de ke apane paas faqat ek nazar to hai
    kyuu.n dekhe.n zindagii ko kisii kii nazar se ham


    maanaa ki is zamii.n ko na gulazaar kar sake
    kuchh khaar kam kar gae guzare jidhar se ham

  6. #6
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default Re: 37 ghazals of sahir ludhianvi

    Dekhaa hai zindagii ko kuchh itanaa qariib se
    Dekhaa hai zindagii ko kuchh itanaa qariib se
    chehare tamaam lagane lage hai.n ajiib se

    is re.ngatii hayaat kaa kab tak uthaaye.n baar
    biimaar ab ulajhane lage hai.n tabiib se

    [re.ngatii = crawling; baar = weight; tabiib = healers]

    har gaam par hai majamaa-e-ushshaaq muntazir
    maqtal kii raah milatii hai kuu-e-habiib se

    [gaam = step; majamaa = crowd; ushshaaq = lovers (plural of aashiq)]
    [maqtal = place where peopel are executed; kuu-e-habiib = friend's street]

    is tarah zindagii ne diyaa hai hamaaraa saath
    jaise ko_ii nibaah rahaa ho raqiib se

    [raqiib = rival]

    ai ruuh-e-asar jaag kahaa.n so rahii hai tuu
    aavaaz de rahe hai.n payambar saliib se

  7. #7
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default Re: 37 ghazals of sahir ludhianvi

    Dekhaa to thaa yuu.N hii kisii Gafalat-shi'ar ne
    Dekhaa to thaa yuu.n hii kisii gafalat-shi'ar ne
    diivaanaa kar diyaa dil-e-be-ikhtiyaar ne

    ai aarazuu ke dhu.ndale khvaabo.n javaab do
    phir kis kii yaad aa_ii thii mujh ko pukaarane

    tum ko khabar nahii.n magar ik saadaalauh ko
    barbaad kar diyaa tere do din ke pyaar ne

    mai.n aur tum se tark-e-mohabbat kii aarazuu
    diivaanaa kar diyaa hai gam-e-rozagaar ne

    ab ai dil-e-tabaah teraa kyaa khayaal hai
    ham to chale the kaakul-e-getii sa.nvaarane

  8. #8
    Rida's Avatar
    Rida is offline Senior Member
    Join Date
    Jan 2006
    Posts
    1,565

    Default Re: 37 ghazals of sahir ludhianvi

    nice but was very hard 2 read it

  9. #9
    Shanza's Avatar
    Shanza is offline Senior Member
    Join Date
    Nov 2006
    Posts
    580

    Default Re: 37 ghazals of sahir ludhianvi

    to aap nay parha kaisay

  10. #10
    Saudaai's Avatar
    Saudaai is offline Senior Member
    Join Date
    Sep 2006
    Posts
    234

    Default Re: 37 ghazals of sahir ludhianvi

    bohatt khoob jii ,bohatt achay shair ka intekhaab kiya hay aap nay,

Page 1 of 2 12 LastLast

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  

Search Engine Optimization by vBSEO 3.6.0

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70